AutoPay വെച്ച് മറന്നുപോയോ? എല്ലാം ഒരിടത്ത് കണ്ട് Cancel ചെയ്യാം!

ഏതെങ്കിലും app-ൽ free trial എടുത്തപ്പോഴോ subscription തുടങ്ങിയപ്പോഴോ set ചെയ്ത UPI AutoPay പിന്നെ മറന്നുപോയിട്ടുണ്ടോ? ഓരോ മാസവും ചെറിയ തുകകൾ account-ൽ നിന്ന് പോകുന്നത് പലരും ശ്രദ്ധിക്കാറില്ല. നമ്മുടെ number-മായി link ചെയ്തിരിക്കുന്ന എല്ലാ AutoPay-കളും ഒരിടത്ത് കാണാനും വേണ്ടാത്തത് cancel ചെയ്യാനും NPCI-യുടെ official website തന്നെ ഉണ്ട്.

Website

Browser-ൽ upihelp.npci.org.in എന്ന site തുറക്കുക. UPI-യുടെ നടത്തിപ്പുകാരായ NPCI-യുടെ (National Payments Corporation of India) official site ആണിത്.

AutoPay list കാണാൻ

Site-ലെ UPI Autopay section-ൽ നിങ്ങളുടെ bank accounts-മായി link ആയ എല്ലാ active mandates-ഉം list ആയി കാണാം. ഓരോന്നിന്റെയും തുക, ഏത് app വഴിയാണ് set ചെയ്തത്, ഏത് bank, എത്ര തവണ പണം എടുത്തു, ആകെ എത്ര പോയി, എത്ര കാലം വരെ valid ആണ് എന്നതെല്ലാം അവിടെ കാണാം. Google Play, JioHotstar, Amazon Music പോലുള്ള subscriptions ആണ് സാധാരണ ഇങ്ങനെ കിടക്കുന്നത്.

Cancel ചെയ്യാൻ

വേണ്ടാത്ത mandate-ന്റെ Cancel button അമർത്തുക. അതിന്റെ details (status, അവസാനം പണം എടുത്ത തീയതി, തുക) ഒന്നുകൂടി check ചെയ്ത് മുന്നോട്ട് പോകുമ്പോൾ, cancel പൂർത്തിയാക്കാൻ നിങ്ങളുടെ UPI app വഴി authenticate ചെയ്യണം — site-ൽ വരുന്ന Open (നിങ്ങളുടെ UPI app) button അമർത്തിയാൽ app തുറക്കും, അവിടെ approve ചെയ്താൽ mandate revoke ആകും. ഇനി ആ വഴി പണം പോകില്ല. തൽക്കാലം നിർത്തിവെക്കാൻ മാത്രമാണെങ്കിൽ Pause option-ഉം ഓരോ mandate-നും ഉണ്ട്.

ശ്രദ്ധിക്കാൻ

Address bar-ൽ upihelp.npci.org.in എന്ന് തന്നെയാണെന്ന് ഉറപ്പാക്കുക — ഇതുപോലെ പേരുള്ള വ്യാജ sites ഉണ്ടാകാം. OTP-യും UPI PIN-ഉം ഒരു website-ലും അടിക്കരുത്; authentication എപ്പോഴും നിങ്ങളുടെ സ്വന്തം UPI app-നുള്ളിൽ മാത്രം ചെയ്യുക.

🎬 ഇത് ഞാൻ നേരത്തെ ഒരു reel ആയി ചെയ്തിട്ടുണ്ട്: Reel കാണാം