WhatsApp chats: Backup & restore. അറിയേണ്ടതെല്ലാം...
എന്തിനാണ് ബാക്കപ്പ് ചെയ്യുന്നത്?
വാട്സാപ്പിൽ വരുന്ന മെസ്സേജുകൾ എല്ലാം നമ്മുടെ ഫോൺ മെമ്മറിയിലാണ് സേവ് ആവുന്നത്. അതുകൊണ്ടു തന്നെ വാട്സാപ്പ് uninstall ആയി പോവുകയോ ഫോൺ നഷ്ടപ്പെടുകയോ ചെയ്താൽ പുതുതായി ലോഗിൻ ചെയ്യുമ്പോൾ പഴയ ചാറ്റുകൾ കിട്ടില്ല.
ഇതിന് പരിഹാരമായാണ് ചാറ്റുകൾ ബാക്കപ്പ് ചെയ്യുന്നത്. ബാക്കപ്പ് ഫയൽ ഉപയോഗിച്ച് പഴയ ചാറ്റുകൾ ഒക്കെ restore ചെയ്യാൻ സാധിക്കും.
Android ലെ വാട്സാപ്പിൽ 2 രീതിയിൽ ആണ് നമുക്ക് നമ്മുടെ ചാറ്റുകൾ ബാക്കപ്പ് ചെയ്യാൻ കഴിയുക.
1. Google Drive
ഗൂഗിൾ അക്കൗണ്ടുമായി connect ചെയ്ത് drive ലേക്ക് upload ചെയ്യുന്നു. Backup ചെയ്യാനും restore ചെയ്യാനും net വേണം.
2. Local Backup
ഫോൺ മെമ്മറിയിൽ ബാക്കപ്പ് ഫയൽ സേവ് ആവുന്നു. Backup ചെയ്യാനും restore ചെയ്യാനും net വേണ്ട.
WhatsApp ന്റെ settings ൽ Chats > Chat backup എന്നതിലാണ് manual ആയിട്ട് ബാക്കപ്പ് ചെയ്യാനുള്ള ഓപ്ഷൻ ഉള്ളത്.
ഗൂഗിൾ ഡ്രൈവ് connect ചെയ്യാനും എപ്പോൾ ഒക്കെ drive ലേക്ക് ബാക്കപ്പ് ആവണം എന്ന് തീരുമാനിക്കാനും ഇവിടെ പറ്റും. ലോക്കൽ ബാക്കപ്പ് നടക്കുന്നത് എല്ലാ ദിവസവും പുലർച്ചെ 2 മണിക്കാണ്.
എങ്ങനെയാണ് ചാറ്റ് ബാക്കപ്പ് ഫയൽ ഉപയോഗിച്ച് പുതുതായി ലോഗിൻ ചെയ്യുമ്പോൾ മെസ്സേജുകൾ restore ചെയ്യുന്നത്?
സാധാരണ ഇതൊരു ഓട്ടോമാറ്റിക് process ആണ്. നമ്പർ ഉപയോഗിച്ച് ലോഗിൻ ചെയ്ത് ആവശ്യമായ പെർമിഷനുകൾ കൊടുത്തതിനു ശേഷം ഫോൺ സ്റ്റോറേജിൽ വാട്സാപ്പിന്റെ ഫോൾഡറിൽ ബാക്കപ്പ് ഫയൽ ഉണ്ടെങ്കിൽ / Google Drive ബാക്കപ്പ് ചെയ്തിട്ടുണ്ടെങ്കിൽ അതിൽ നിന്നും തനിയെ മെസ്സേജുകൾ restore ആവുന്നതാണ്.
എന്നാൽ, ബാക്കപ്പ് ചെയ്യാനും റീസ്റ്റോർ ചെയ്യാനുമൊക്കെ വലിയ അളവിൽ data യും സമയവും വേണം എന്നതിനാൽ ഭൂരിഭാഗം പേരും Google Drive തിരഞ്ഞെടുക്കാറില്ല.
അപ്പോൾ, ലോക്കൽ ബാക്കപ്പ് ഫയൽ ഉപയോഗിച്ച് manual ആയി ചാറ്റുകൾ എങ്ങനെ റീസ്റ്റോർ ചെയ്യാമെന്നു നോക്കാം...
(ഒരു ഫോണിൽ നിന്ന് മറ്റൊന്നിലേക്ക് മാറുമ്പോളോ ഫോൺ reset ചെയ്തതിനു ശേഷമോ വാട്സാപ്പ് uninstall ആയി പോയാലോ FM, GB പോലുള്ള modded ആപ്പുകളിലേക്ക് മാറുമ്പോളോ ഒക്കെ ഇത് പ്രയോജനപ്പെടും.)
ആദ്യമായി വാട്സാപ്പിന്റെ ഫോൾഡർ എവിടെയാണെന്നു നോക്കാം...
Internal storage ൽ Android ഫോൾഡറിനുള്ളിലാണ് WhatsApp ഉള്ളത്.
കൃത്യമായി പറഞ്ഞാൽ...
Internal storage > Android > media > com.whatsapp > WhatsApp
ഇതിൽ WhatsApp ഫോൾഡറിനും ഉള്ളിൽ Databases എന്ന ഫോൾഡറിലാണ് ലോക്കൽ ബാക്കപ്പ് ഫയലുകൾ create ആവുന്നത്.
മുകളിലെ സ്ക്രീൻഷോട്ടിൽ കാണുന്ന msgstore.db.crypt14 എന്നത് ഒരു മണിക്കൂർ മുന്നേ create ആയ ബാക്കപ്പ് ഫയലാണ്. കഴിഞ്ഞ 7 ദിവസത്തെ 7 ഫയലുകൾ വരെ ഈ ഫോൾഡറിൽ ഉണ്ടാവും. അതിൽ ഏറ്റവും പുതിയ ഫയൽ മാത്രം എടുത്ത് മറ്റെങ്ങോട്ടെങ്കിലും കോപ്പി ചെയ്തു സൂക്ഷിക്കാം.
ഇനി പിന്നീട് / പുതിയ ഫോണിൽ വാട്സാപ്പ് ലോഗിൻ ചെയ്യുന്നതിനു മുന്നേ,
ഇതേ ലൊക്കേഷനിൽ, അതായത് Internal storage > Android > media > com.whatsapp > WhatsApp > Databases
എന്ന ഫോൾഡറിനുള്ളിൽ മുൻപ് കോപ്പി ചെയ്തുവെച്ച ബാക്കപ്പ് ഫയൽ paste ചെയ്തിട്ട് ലോഗിൻ ചെയ്താൽ ചാറ്റുകൾ എളുപ്പത്തിൽ റീസ്റ്റോർ ആവുന്നതാണ്.
(WhatsApp, Databases എന്നീ ഫോൾഡറുകൾ ഇല്ലെങ്കിൽ create ചെയ്യണം. Case sensitive.)
ഇങ്ങനെ restore ചെയ്യാൻ ശ്രമിക്കുമ്പോൾ മുന്നേ ഗൂഗിൾ അക്കൗണ്ടും ആയി connect ചെയ്തവർക്ക് ചിലപ്പോൾ ലോക്കൽ ബാക്കപ്പിന് പകരം Gdrive ബാക്കപ്പ് ആവും കാണിക്കുക.
ഇത് ഒഴിവാക്കി ലോക്കൽ ബാക്കപ്പ് മാത്രം കാണിക്കണം എങ്കിൽ drive.google.com ൽ പോയി desktop view ആക്കി settings എടുത്ത് Manage apps ൽ നിന്നും WhatsApp disconnect ചെയ്തതിനു ശേഷം വീണ്ടും ശ്രമിക്കുക.
NB: വാട്സാപ്പ് data clear ചെയ്യുമ്പോളും uninstall ചെയ്യുമ്പോളും വാട്സാപ്പിന്റെ ഫോൾഡർ അടക്കം ഡിലീറ്റ് ആവാൻ സാധ്യതയുണ്ട്. So, ആദ്യം തന്നെ ലോക്കൽ ബാക്കപ്പ് ഫയൽ സുരക്ഷിതമായ എങ്ങോട്ടെങ്കിലും മാറ്റുക.
💬 Add a comment to this post
Your comment goes straight to Deon — nothing shows up here until he has reviewed it.
Add a comment →
Related articles:
• ബാക്കപ്പും റീസ്റ്റോറും ആവശ്യമില്ല; എല്ലാം cloud ൽ! Use Telegram.
• ആൻഡ്രോയ്ഡ് ആയി ബന്ധപ്പെട്ട കൂടുതൽ കുറിപ്പുകൾ വായിക്കാം...