"മഴ പെയ്യുന്ന കണ്ടിട്ടുണ്ടോ നീ?"
"ഇല്ലാല്ലോ, ഇവിടൊക്കെ ഇപ്പൊ വെയിലല്ലേ പെയ്യുന്നേ"
"ഹഹ!"
"നീയീ പാതിരാക്ക് വീട്ടീപ്പോവാതെ പാലത്തേയിരുന്നു മഴ പെയ്യുന്ന കാണുവാണോ?"
"ഉം... പൂക്കൈത പൂക്കൈത എന്നു കേട്ടിട്ടുണ്ടോ മോള്?"
"കൈതപ്പൂ കൈതപ്പൂ എന്നു കേട്ടിട്ടുണ്ട്"
"ആഹ്, ഞങ്ങൾടെ നാട്ടിലേ, ആ പേരിലൊരു ദ്വീപുണ്ട്"
"ഓഹോ!"
"ദാ, ഇവിടുന്നു നോക്കിയാൽ കാണാം... ആർത്തുപെയ്യുന്ന മഴയോടൊപ്പം ഒഴുകിവീഴുന്ന ചെറു നിലാവിന്റെ നൂലിൽ കൊരുത്ത തിളങ്ങുന്ന മുത്തുമണികൾക്കിടയിലൂടെ..."
"സാഹിത്യം!"
"ഇതോ? കാര്യായിട്ട് പറഞ്ഞതാ!"
"ഉം... ബാക്കി പറ"
"ഛെ, ആ ഫ്ലോ അങ്ങു കളഞ്ഞു നീ"
"ഹഹ! തിളങ്ങുന്ന മുത്തുമണികൾക്കിടയിലൂടെ???"
"ആ... മുത്തുമണികൾക്കിടയിലൂടെ... മ്മടെ മലയാളം സിനിമേലൊക്കെ നായികേടെ കുളിസീൻ കാണിക്കില്ലേ പുഴേല്? ഏതാണ്ട് അതുപോലൊരു ഐറ്റം!"
"നശിപ്പിച്ച്!!!"
"എന്ത്യേ?"
"ആ ഫ്ലോ അങ്ങു കളഞ്ഞില്ലേ"
"ഒരു ഉപമ പറഞ്ഞതാണ് മിഷ്ടർ"
"ഉം... ബാക്കി പറ."
"ബാക്കിയില്ല, ഇത്രേ ഉള്ളൂ!"
"അതെന്താ?"
ഇത്രേം പറഞ്ഞപ്പോളേക്കും ഫോൺ കട്ടായിപ്പോയില്ലേ, പിന്നെങ്ങനാ ബാക്കി പറയുന്നേ. ഇനി വിളിക്കുമ്പോ പറയാട്ടോ!
DeOn
Read this original post on Facebook
💬 Add a comment to this post
Your comment goes straight to Deon — nothing shows up here until he has reviewed it.
Add a comment →